Turkmanistonlik og‘ir atletikachi Rahmanov Osiyo chempionatida siltab ko‘tarishda bronza medalni qo‘lga kiritdi

Turkmaniston terma jamoasi og‘ir atletikachisi Galkan Rahmanov O‘zbekistonning Toshkent shahrida o‘tkazilayotgan 20 yoshgacha bo‘lgan o‘smirlar o‘rtasidagi Osiyo chempionatida siltab ko‘tarish bo‘yicha uchinchi o‘rinni egalladi.

85 kilogrammgacha bo‘lgan vazn toifasida ishtirok etgan turkmanistonlik sportchi siltab ko‘tarishda 155 kilogramm toshni ko‘tarib, uchinchi natijani ko‘rsatdi. Ikki mashq yakuniga ko‘ra esa u 342 kilogramm natija bilan beshinchi o‘rinni band etdi.

O‘smirlar va yoshlar o‘rtasidagi Osiyo chempionati Toshkentda mintaqaning 29 mamlakatidan 300 nafardan ortiq sportchi ishtirokida bo‘lib o‘tmoqda. Musobaqalar 14-avgustgacha davom etadi. Xalqaro og‘ir atletika federatsiyasi (IWF) qoidalariga ko‘ra, sportchilar bir vaqtning o‘zida ikki yosh toifasida — Youth (17 yoshgacha) va Junior (20 yoshgacha) ishtirok etishlari mumkin.

Turkmaniston terma jamoasi ushbu musobaqada 16 nafar sportchi — yetti nafar o‘g‘il va to‘qqiz nafar qiz bola bilan qatnashmoqda.