UFC 325: Volkanovski yarim engil vaznda braziliyalik Lopesni mag‘lub etib, chempionlik unvonini saqlab qoldi

1-fevral kuni Avstraliyaning Sidney shahrida aralash jang san’ati bo‘yicha «UFC 325» turniri bo‘lib o‘tdi. Kechaning asosiy jangi yarim engil vazn chempioni Aleksandr Volkanovski bilan braziliyalik Diego Lopes o‘rtasidagi ikkinchi uchrashuv edi.

Besh raund yakunida jang hakamlarning bir ovozdan bergan qarori bilan (49-46, 49-46, 50-45) Volkanovskining to‘liq ustunligida yakunlandi. Lopes sezilarli qarshilik ko‘rsatishga muvaffaq bo‘lmadi va chempionlik kamarini qo‘lga kiritish uchun ikkinchi imkoniyatidan foydalana olmadi.

Eslatib o‘tamiz, avvalgi uchrashuvlari o‘tgan yil aprel oyida bo‘lib, bo‘sh qolgan chempionlik unvoni uchun jang qilgan edilar. Shu paytda avstraliyalik sportchi hakamlarning bir ovozdan qarori bilan g‘alaba qozongan.

Ushbu jangdan so‘ng Volkanovskining MMA hisobida 28 g‘alaba va 4 mag‘lubiyat, Lopesda esa 27 g‘alaba va 8 mag‘lubiyat bor.