Xiaomi yangi flagmanlari 8000 va 8500 mA·soat batareyalar bilan chiqadi

Xiaomi kompaniyasi 8000 va 8500 mA/soat sig‘imli ikkita yangi akkumulyatorning sinov ishlab chiqarish jarayonini boshladi. Bu haqda taniqli insayder Digital Chat Station xabar berdi.

Ma’lumotlarga ko‘ra, har ikkala holatda ham bir elementli kremniy batareyadan foydalanilgan. Shuningdek, 100 Vt gacha quvvatga ega tezkor quvvatlash texnologiyasi qo‘llab-quvvatlanishi kutilmoqda. Bu esa batareyaning katta sig‘imini qoplashga va kundalik foydalanishda qulaylikni saqlab qolishga yordam beradi.

Insayderning aniqlik kiritishicha, ushbu akkumulyatorlar "yuqori unumdorlikka ega bir kristalli tizimlar bilan ishlaydigan yangi flagman smartfonlar" uchun mo‘ljallangan. Taxminlarga ko‘ra, gap eng yuqori darajadagi protsessorlarga ega premium modellar haqida ketmoqda.

Foydalanuvchilar izohlarda 8000 mA/soat sig‘imli batareya ba’zi o‘rta segmentdagi modellardan, jumladan Redmi Turbo 5 Max (9000 mA/soat) dan ortda qolishini ta’kidladilar. Biroq, manba yangi qurilmalar yuqoriroq sinfga mansubligini, ular o‘zining mustahkam korpusi va flagmanlarga xos ichki imkoniyatlari bilan ajralib turishini ta’kidladi.