Yaponiya olimlari tabiiy tishlarni o‘sdirishga imkon beruvchi dori yaratishdi

Olimlarning tadqiqotlariga ko‘ra, insonning tish go‘shtining ostida «uxlayotgan» tish urug‘chalari mavjud. Yangi ishlab chiqilgan dori ushbu urug‘chalarni faollashtirib, ularning o‘sishini rag‘batlantiradi. Natijada inson organizmida yangi, tabiiy tishlar paydo bo‘ladi.

Loyihaning yetakchi tadqiqotchisi, mashhur yapon jarrohi Katsu Takahashi shunday deydi:

“Yangi tishning og‘iz bo‘shlig‘ida qayerda o‘sishini dori in’ektsiyasining joylashuviga qarab nazorat qilish mumkin. Agar tish noto‘g‘ri joyda o‘sib qolsa, uni ortodontiya yoki transplantatsiya yordamida to‘g‘rilash mumkin.”

Takahashi ushbu texnologiya tish sog‘ligini tiklashda yangi davr boshlanishi ekanini ta’kidlaydi. Uning fikricha, bu usul odamlar uchun tabiiyroq, uzoqroq va sog‘lomroq yechim bo‘ladi.

Bu sohada Buyuk Britaniyaning Mariya Qirolichaning London universiteti stomatologlari ham tadqiqot olib borayotgan bo‘lsa-da, mutaxassislarning ta’kidlashicha, ayni paytda yapon olimlari ushbu yo‘nalishda yetakchilik qilmoqda.

Dorining keng joriy etilishi 2030-yilga rejalashtirilgan. Shunday qilib, yaqin yillarda tabiiy yo‘l bilan yangi tishlar o‘sdirish orqali tish yo‘qotishni davolashda yangi davr boshlanishi mumkin.