ABŞ-nyň administrasiýasy ýurtda bolýan daşary ýurtlular üçin grin-kart resmileşdirmegiň tertibini üýtgetdi
ABŞ-nyň Raýatlyk we immigrasiýa gullugy (USCIS) hemişelik ýaşaýyş rugsadyny (grin-kartlary) almagyň tertibini düzgünleşdirýän täze kadalary hödürledi. Gullugyň 2026-njy ýylyň 22-nji maýyndaky resmi beýanatyna görä, ABŞ-da wagtlaýyn wizalar — şol sanda talyp, syýahatçylyk we iş wizalary boýunça bolýan daşary ýurt raýatlary indi resminamalaryny tabşyrmaga we karara garaşmaga ýurduň daşyna çykmalydyrlar.
USCIS-iň wekili Zak Kaleriň düşündirişine görä, bu çäre gysga möhletli gelmegiň maksatlary ýa-da hemişelik göçüp gelmegiň maksatlarynyň arasyny anyk bellemeklige gönükdirilendir. Gullukda ABŞ-da wagtlaýyn bolmagyň hemişelik rezident statusyny almak üçin awtomatiki usulda ilkinji ädim hökmünde garalmaly däldigini aýratyn bellediler. Täze düzgünler käbir kadadan çykmalar hem göz öňünde tutýar, emma olar esasan adatdan daşary ýa-da fors-mažor ýagdaýlarda ulanylar.
Ekspertleriň pikiriçe, bu täze girizilen düzgün raýatlardan öz syýahatlaryny we hukuk ädimlerini has hem dykgatly meýilleşdirmegi talap eder. Gysga möhletli geljekde bu ýagdaý ABŞ-nyň daşary ýurtlardaky konsullyk gulluklarynyň işini artdyryp biler, sebäbi resmileşdiriş işleriniň ep-esli bölegi indi ýüz tutýanlaryň öz ýurtlaryna geçiriler.
