BEÝIK BRITANIÝALY DIPLOMAT BILEN DUŞUŞYK

2026-njy ýylyň 13-nji martynda Türkmenistanyň Daşary işler ministrliginiň Halkara gatnaşyklary institutynda Beýik Britaniýanyň tanymal diplomaty we alymy Aýwor Roberts institutymyzyň talyplary we mugallymlary üçin okuw sapagyny geçirdi.

Sapagyň dowamynda myhman talyplara diplomatiýanyň nazaryýeti we amalyýeti barada giňişleýin maglumat berdi. Hususan-da, ol dünýä diplomatiýasynyň “baş gollanmasy” hasaplanylýan meşhur “Satow’s Diplomatic Practice” kitabynyň redaktory hökmünde diplomatik protokol, gepleşikleri geçirmegiň medeniýeti we häzirki zaman halkara gatnaşyklarynyň wajyp meseleleri barada özüniň baý tejribesini paýlaşdy.

Täsirli geçen okuw sapagynda myhman talyplar bilen gyzykly sorag-jogap alyşdy. Geljekki ýaş diplomatlar hünär kämilleşdirmegiň inçe syrlary boýunça özlerini gyzyklandyrýan soraglara jogap aldylar.