Geň galdyryjy kolleksiýa: Hindistanly raýat 31 ýurtdan 858 sany kagyz käse ýygnap, dünýä rekordyny goýdy
Hindistanyň ýaşaýjysy Sunil Jozef dünýäniň 31 ýurdundan 858 sany kagyz käse ýygnap, Ginnesiň rekordlar kitabyna girdi. Bu adam kolleksiýa ýygnamak hobbisine entek çagalykda başlapdyr: ol marka, teňňe we kükürt gutularynyň ýüzündäki suratlary ýygnapdyr. Soňra bolsa has üýtgeşik zatlara — uçar biletlerine, çaý paketjiklerine we kofe kagyz gutujyklaryna geçipdir.
Jozef mundan ozal hem telefon kartlarynyň kolleksiýasy (2014-nji ýylda 6000-e golaý nusga) saýasynda Ginnesiň rekordçysy bolupdy. Häzirki wagtda onuň bu hobbisini dürli ýurtlardan kagyz gutjyklaryny getirip berýän dostlary we garyndaşlary işjeň goldaýarlar.
UPI neşiriniň ýazmagyna görä, Jozef munuň bilen hem öz pişesini bes etmegi meýilleşdirmeýändigini we eýýäm täze rekord — iň uly toý çakylyklarynyň kolleksiýasy üçin resmi arzany tabşyrandygyny boýun aldy.
