Dongfeng Nissan bilelikdäki kärhanasy Hytaýda iň meşhur modeliniň — täze nesil Sylphy sedanynyň satuwyna başlady. Awtomobiliň başlangyç bahasy bary-ýogy 94,9 müň ýuan (takmynan 13 000 dollar) bolup, ol öz segmentinde Qualcomm Snapdragon 8155 çipi bilen enjamlaşdyrylan ilkinji modeldir. Ulagyň daşky görnüşi brendiň täze «kosmos» stilinde bolup, matriksli faralar we ýagtylandyrylan logotip bilen tapawutlanýar. Içerki salonynda bolsa iki sany 12,3 dýuýmlyk displeýden ybarat bitewi blok ýerleşdirilen. Emma tehniki taýdan Nissan däp-dessurlara wepaly galdy: kapodyň aşagynda 135 at güýjüne eýe bolan 1,6 litrlik tygşytly atmosfera dwigateli we CVT wariatory ýerleşýär.