Ilon Mask taryhda ilkinji trillioner boldy
Amerikaly telekeçi Ilon Mask dünýäniň taryhynda baýlygy 1 trillion ABŞ dollaryndan geçýän ilkinji adam boldy. Bu üstünlige “SpaceX” kompaniýasynyň paýnamalarynyň “Nasdaq” biržasyna çykarylmagy (IPO) netijesinde ýetildi.
“Reuters” agentliginiň we “Forbes” žurnalynyň maglumatlaryna görä, diňe Maskyň “SpaceX” kompaniýasyndaky paýynyň özi 866 milliard dollara barabardyr. Onuň “Tesla” we beýleki aktiwleri bilen bilelikdäki umumy baýlygy söwdanyň başlanýan pursadynda 1,1 trillion ABŞ dollaryna ýetdi.
“SpaceX” kompaniýasy IPO-nyň çäklerinde rekord derejede — 75 milliard dollar maýa çekmegi göz öňünde tutýar. Şeýlelik bilen, 12-nji iýundan başlap kompaniýanyň gymmatly kagyzlary “SPCX” belgisi bilen “Nasdaq” biržasynda resmi taýdan söwda edilip başlandy.
Bu waka dünýä ykdysadyýetinde täze bir sahypanyň açylandygyny we tehnologiýa ägirtleriniň kapital bazaryndaky täsiriniň ýokarlanýandygyny görkezýär.
