Lebap welaýatynda galla oragyna badalga berilýär

2025-nji ýylyň 29-njy maýynda sanly ulgam arkaly geçirilen Ministrler Kabinetiniň mejlisinde hormatly Prezidentimiz Serdar Berdimuhamedow ýurdumyzyň ähli welaýatlarynda bol galla hasylynyň ýetişdirilendigini kanagatlanma bilen belläp, Lebap welaýatynda galla oragyna 4-nji iýunda başlamak üçin ak pata berdi.

Döwlet Baştutanymyz çykyşynda ýurdumyzyň oba hojalyk pudagynyň durnukly ösüşiniň üpjün edilýändigini, daýhanlaryň zähmetine goldaw bermek boýunça döwlet derejesinde giň möçberli çäreleriň geçirilýändigini nygtady. Ýerleriň öz wagtynda sürlüp, dökün bilen üpjün edilmegi, suwaryş mümkinçilikleriniň gowulandyrylmagy netijesinde, şu ýyl hem welaýatda galla hasyly bol boldy.

Prezident Serdar Berdimuhamedow galla oragynyň ýokary guramaçylyk derejesinde geçirilmeginiň zerurdygyny belläp, hormatly ýaşululardan galla oragyna ak pata bermeklerini haýyş etdi. Şeýle hem döwlet Baştutany Lebap welaýatynyň zähmetsöýer gallaçylaryna, mehanizatorlaryna we ähli oba hojalyk işgärlerine alyp barýan işlerinde üstünlikleri arzuw etdi.

Lebap welaýatynyň ekerançylary oragyň üstünlikli geçmegi üçin ähli taýýarlyklary tamamladylar. Döwlete tabşyryljak gallanyň möçberiniň ýokary bolmagyna garaşylýar.