Russiýanyň Türkmenistandaky ilçihanasy Eýrandan gelýän russiýalylar üçin üstaşyr (tranzit) ugruny yglan etdi

Russiýanyň Türkmenistandaky ilçihanasy häzirki wagtda emele gelen ýagdaýlar sebäpli Eýrandan gaýtmakçy bolan we göni uçar gatnawlaryndan peýdalanyp bilmeýän Russiýanyň raýatlary üçin üstaşyr geçiş tertibini habar berdi.

Türkmenistanyň çägine giriş diňe eýran-türkmen serhedindäki «Sarahs» gözegçilik-goýberiş nokady arkaly amala aşyrylyp bilner.

Geçişi ylalaşmak üçin raýatlar resminamalar toplumyny öňünden Russiýanyň Tehrandaky diplomatik wekilhanasyna rusembiran@mid.ru elektron salgysy arkaly ugratmalydyrlar. Resminamalar toplumyna şular degişlidir:

• Gözegçilik-goýberiş nokadyna geljek anyk senesi;
• Ähli gidýän adamlaryň (şol sanda çagalaryň) doly maglumatlary we doglan seneleri;
• Daşary ýurt pasportlarynyň reňkli nusgalary;
• Türkmenistandan uçuş nokady görkezilen indiki ewakuasiýa ugry;
• Biletleriň nusgalary ýa-da bronlamanyň tassyknamasy.

Russiýanyň Tehrandaky wekilhanasynyň gyssagly habarlaşmak üçin telefon belgileri: +98-21-6670-1161/63, +98-993-814-7226.

Aşgabatda wagtlaýyn ýerleşmek diňe «Aşgabat» we «Sport» myhmanhanalarynda göz öňünde tutulandyr. Türkmenistanyň çäginde ýüze çykjak soraglar boýunça Russiýanyň Türkmenistandaky ilçihanasyna ýüz tutup bilersiňiz: +993-61-98-11-68.