«Business Insider» neşiriniň habar bermegine görä, «OpenAI» kompaniýasynyň baş direktory Sem Altman «Relentless» podkastynda beren söhbetdeşliginde emeli aňyň ösüşinde dünýäniň «singulýarlyk nokadyna» ýetendigini yglan etdi. Şereket baştutany öň diňe ylmy çaklamalarda we gep-gürrüňlerde agzalýan bu pursatyň eýýäm hakykatlyga öwrülendigini nygtady.

Tehnologik singulýarlyk – bu tehnologik ösüşiň çaltlanmagy netijesinde adamzadyň durmuşynda, ykdysadyýetinde we jemgyýetinde düýpli, gaýtaryp bolmaz üýtgeşmeleriň ýüze çykýan pursadydyr. Altman bu döwrüň tutuş dünýäni haýran kaldyrjak, görülmedik we tutuş adamzat üçin täsin mümkinçilikleri açjak täze eýýamdygyny belledi.