Lebap welaýat çagalar kitaphanasy Türkmenabat şäheriniň 65-nji çagalar bagynda “Jan saglygyň bolmaz hiç deňi taýy” ady bilen täsirli çäre gurady. Çäräniň dowamynda kitap okamagynyň çagalaryň sagdyn we belent ruhly bolup ýetişmeklerindäki ähmiýeti nygtaldy. Körpeler Watanymyzy wasp edýän goşgulary aýdyp, aýdymlary ýerine ýetirdiler. Bu dabaraly pursatlar çagalaryň hakydasynda ýakymly yz galdyrdy.