Türkmenistanda ýokary we orta hünär okuw mekdeplerine kabul ediş möwsümini yzarlaýan ilkinji onlaýn platforma işe girizildi

Türkmenistanda ilkinji gezek okuwa kabul edilişiň ýagdaýyny onlaýn görnüşde yzarlaýan, her gün täze maglumatlary hödürleýän interaktiw ulgam döredildi. Bu platforma bilim ulgamynda sanly özgertmeleriň bir bölegi bolup, ýaşlara geljekki hünär saýlamagynda anyk we esasly karar kabul etmäge ýardam berýär.

Täze platforma nämeleri hödürleýär?

dalasgar.bilim.tm platformasy her gün täzelenýän giň gerimli maglumatlary özünde jemleýär:

• Her hünär we okuw mekdebi boýunça tabşyrylan resminamalaryň sany;

• Resminamalaryň tabşyrylan ýerleri boýunça geografiýa maglumatlary (welaýatlar boýunça paýlanyşy);

• Aýratyn ugurlar boýunça bäsdeşlik derejesi — tabşyrylan resminamalaryň sanynyň meýilnamalaýyn ýerler bilen deňeşdirilmegi;

• Resminamalaryň tabşyrylma depginini hakyky wagt düzgüninde yzarlamaga ýardam berer

Bu maglumatlar abiturientlere we olaryň ene-atalaryna doly düşünjeli karar bermäge kömek edip, bäsdeşligiň derejesine görä degişli hünär ýa-da okuw mekdebini saýlamaga mümkinçilik döredýär.

Munuň ähmiýeti nämede?

Bilim ministrliginiň bellemegine görä, täze platforma ilkinji nobatda ýaşlaryň bähbitlerine gönükdirilendir. Ol dalaşgärlere mümkinçilik berýär:

• Öz bilim derejesini we okuwa girmegiň mümkinçiliklerini hakykatda bahalandyrmaga;

• Bäsdeşlik derejesine görä meýilnamasyny üýtgetmäge;

• Okuw mekdebini we hünäri esasly we düşünjeli saýlamaga;

• Aşak bäsdeşlikli ugurlary saýlap, has üstünlikli ýagdaýda okuwa girmegi başarmağa.

Bu açyk maglumatlar kabul ediş möwsüminiň aç-açanlygyny üpjün edýär, bilim ulgamyna ynamy ýokarlandyrýar we dalaşgärleriň arasynda deň mümkinçilik döredýär.

Bilimi ösdürmegiň täze tapgyry

dalasgar.bilim.tm platformasynyň döredilmegi ýurdumyzyň bilim ulgamynda alnyp barylýan sanly özgertmeleriň möhüm bölegi bolup durýar. Bu platforma häzirki zaman ýaşlarynyň sanly giňişlige bolan isleglerine we endiklerine doly laýyk gelýär.

Şeýle hem, bu taslama bilim ulgamynda açyk maglumat giňişligini döretmäge ýardam berýär. Abiturientler, ene-atalar we mugallymlar bu ulgamyň üsti bilen real ýagdaýlara esaslanyp karar kabul edip bilýärler.

Netijede, täze platforma diňe bir tehniki çözgüt bolman, eýsem, ýaşlara goldaw bermäge, adam başarnygyny ösdürmäge we ýokary hem-de orta hünär bilim ulgamynda zehinli ýaşlary saýlap-seçip almaga gönükdirilen döwlet syýasatynyň möhüm bölegine öwrülýär.