“Türkmenistanyň nebiti we gazy - 2025" atly 30-njy halkara maslahaty we sergisi

“Türkmenistanyň Nebiti we Gazy – 2025” atly 30-njy Halkara maslahat we sergi 2025-nji ýylyň 22–24-nji oktýabry aralygynda Aşgabat şäherinde geçiriler. Maslahatyň esasy guranaýjylary: “Türkmen Energiýa Forum” Hojalyk jemgyýetiniň gatnaşmagynda “Türkmennebit”, “Türkmengaz” döwlet konsernleri, Türkmenistanyň Söwda-senagat edarasy hem-de “Türkmendöwletgeologiýa” döwlet korporasiýasydyr.

Maslahat we sergi energetika ulgamynyň durnukly ösüşi üçin sebitleýin gepleşikleri güýçlendirmäge, global energetika ulgamyndaky iň täze ugurlary ara alyp maslahatlaşmaga hem-de Türkmenistanyň nebit-gaz senagatyna göni daşary ýurt maýa goýumlaryny çekmek üçin mümkinçilikleri giňeltmäge gönükdirilendir. Maslahat bilen bir wagtda geçirilen OGT sergisi, ýurdumyzyň we dünýäniň nebitgaz senagatyndaky iň gowy üstünlikleri görkezdi hem-de häzirki zaman pudak meýilnamasyna laýyk gelýän täze pikirler we aýratynlyklar bilen baýlaşdyryldy. Şu ýylky sergide girizilen täze elementler halkara nebit kompaniýalary (IOC) bilen milli nebit kompaniýalarynyň (NOC) arasyndaky hyzmatdaşlygyň tizleşdirilmeginiň ähmiýetine aýratyn üns berdi hem-de özara peýdaly hyzmatdaşlygyň artýan roluny nygtady.

Sergi diňe bir tehnologik görkezme meýdançasy bolman, eýsem işewür şertnamalary baglaşmak, täze hyzmatdaşlyk gatnaşyklaryny ýola goýmak we maýa goýumlaryny çekmek üçin möhüm platformadyr. Kompaniýalar üçin sergi – öz ösüşlerini görkezmek, pudakdaky beýleki hyzmatdaşlar bilen gatnaşyklary ýola goýmak we mümkinçilikli maýadarlaryň ünsüni öz taslamalaryna çekmek üçin möhüm mümkinçilikdir. Mundan başga-da:

- Içerki we dünýä nebitgaz senagatynyň häzirki zaman pudak ugurlaryna laýyklykda täze pikirler we aýratynlyklar bilen baýlaşdyrylan iň gowy üstünlikleri.

Şu ýylky sergi girizilen täze elementler halkara nebit kompaniýalary (IOC) bilen milli nebit kompaniýalarynyň (NOC) arasyndaky hyzmatdaşlygy berkitmegiň ähmiýetini nygtamaga we özara peýdaly hyzmatdaşlygyň artýan roluny güýçlendirmäge gönükdiriler.

* Tehnologiki innowasiýalar: Nebit-gaz senagatynyň sergileriniň esasy mowzuklarynyň biri iň täze tehnologiýalaryň we çözgütleriň görkezilmegidir. Sergiler nebiti we gazy gaýtadan işlemek, öndürmek, burawlama hem-de gözleg işlerinde iň aňrybaş ösüş depginlerini öwrenmek üçin mümkinçilikleri döredýär. Şeýle hem, üns sanlylaşdyrma, emeli aň, awtomatlaşdyrma we robotlaşdyrma prosesslerine gönükdirilendir.

Sergiler diňe bir iri kompaniýalaryň aýratynlyklaryny görkezmän, eýsem täze başlangyçlaryň hem innowasion taraplaryny görkezýär. Bu kompaniýalar senagat üçin innowasion burawlaýjy enjamlaryndan başlap, daşky gurşawy goramaga gönükdirilen gaýtadan işlemek üçin niýetlenen tehnologiýalaryň dürli görnüşlerini hem hödürleýär.

Bu çäre nebit-gaz senagatynyň global ösüşine goşant goşmaga, bilim paýlaşmaga, halkara hyzmatdaşlygy giňeltmäge ýardam etmegi bilen, dünýäniň ähli künjeklerinden gatnaşyjylary we myhmanlary özüne çekýär.

“Türkmenistanyň Nebiti we Gazy – 2025” atly 30-njy Halkara maslahat we sergi dünýä ykdysadyýetinde bar bolan möhüm meseleleri, innowasion tehnologiýalary öz içine alýan köpugurly çäredir. Bu çäre ähli gatnaşyjylar üçin, ýagny hünärmenlerden başlap maýadarlara we döwlet edaralaryna çenli, pudagyň geljekde ýüze çykjak kynçylyklara nähili uýgunlaşyp ösüp biljekdigi barada pikir alyşmak üçin uly mümkinçilikdir.