«Türkmennebit» döwlet konserni ýylyň ilkinji bäş aýynda önümçilik meýilnamalaryny artygy bilen ýerine ýetirdi
2026-njy ýylyň ýanwar–maý aýlarynyň jemleri boýunça ýurdumyzyň ýangyç-energetika toplumynda ýokary netijeler gazanyldy. Ministrler Kabinetiniň mejlisinde wise-premýer G.Agajanowyň beren hasabatyna görä, «Türkmennebit» döwlet konserni nebit çykarmak boýunça bellenilen meýilnamany 107,6 göterim berjaý etdi.
Nebiti gaýtadan işleýän zawodlarda hem önümçilik görkezijileri ýokary derejede saklanyp, meýilnama 104,6 göterim ýerine ýetirildi. Aýry-aýry önüm görnüşleri boýunça bolsa has ýokary netijeler gazanyldy:
- Benzin: 110 göterim
- Dizel ýangyjy: 110,4 göterim
- Suwuklandyrlan gaz: 111,4 göterim
- Çalgy ýaglary: 124,1 göterim
Şeýle hem, tebigy we ugurdaş gazy çykarmak boýunça meýilnama 106,6 göterim möçberinde ýerine ýetirildi.
Hasabaty diňläp,Hormatly Prezidentimiz Serdar Berdimuhamedow uglewodorod serişdelerini çykarmagyň depginini artdyrmagyň hem-de ýangyç-energetika toplumyna döwrebap tehnologiýalary giňden ornaşdyrmagyň möhümdigini nygtady.
Döwlet Baştutanymyz önümçilik kuwwatlyklaryny doly derejede işletmegiň we olaryň bökdençsiz işlemegini üpjün etmegiň zerurdygyny belledi. Wise-premýere geologiýa-gözleg we buraw işleriniň netijeliligini has-da ýokarlandyrmak boýunça anyk tabşyryklar berildi.
