Bloomberg tahlilchisi Mark Gurmanning so'zlariga ko'ra, Apple 2-martdan 4-martgacha yangi qurilmalarni e'lon qiladi. Bu safar an'anaviy taqdimot o'rniga Apple Newsroom orqali press-relizlar chiqariladi. Eng kutilayotgan yangiliklar - A18 Pro chipiga ega arzonroq 12,9 dyuymli MacBook va yangi iPhone 17e smartfonidir. iPhone 17e modeli A19 chipi, MagSafe va Wi-Fi 7 texnologiyasiga ega bo'lishi aytilmoqda. Shuningdek, M4 chipli iPad Air va M5 chipli MacBook Air modellarining namoyish etilishi ehtimoli yuqori.