Ashxobod — Dashoguz avtomobil yo‘li rekonstruksiya qilinadi

Hozirgi vaqtda Dashoguz viloyatini Ashxobod shahri bilan bog‘laydigan Ashxobod — Dashoguz avtomobil yo‘lini hamda ushbu yo‘l yoqasida yangi ko‘prik qurish bo‘yicha muhim ishlar olib borilmoqda. Bu haqda bugun raqamli tizim orqali o‘tkazilgan Vazirlar Mahkamasining navbatdagi majlisida vitse-premer B. Annamammedovning hisobotida ta’kidlandi.

«Watan» xabarlar dasturida xabar berilishicha, yo‘l-transport qurilishi sohasini modernizatsiya qilish, soha oldiga qo‘yilgan vazifalarni muvaffaqiyatli bajarish, yuk va yo‘lovchi tashish tranzitini ta’minlash hamda bu boradagi xalqaro hamkorlikni sifat jihatidan yangi bosqichga ko‘tarish maqsadida Ashxobod — Dashoguz avtomobil yo‘lini rekonstruksiya qilish va yangi ko‘prik qurish bo‘yicha xalqaro tender o‘tkazish rejalashtirilmoqda. Shu munosabat bilan, vitse-premer davlat rahbari ko‘rib chiqishi uchun tegishli taklifni kiritdi.

Turkmaniston Prezidenti hisobotni tinglab, Ashxobod — Dashoguz avtomobil yo‘li mamlakatning asosiy yo‘llaridan biri ekanligini aytdi. Ushbu yo‘lni rekonstruksiya qilish bilan bog‘liq tayyorlangan taklifni ma’qullab, davlat rahbari vitse-premerga tegishli ishlarni amalga oshirishni topshirdi.