Ashxobodda xalqaro savdoni moliyalashtirish bo‘yicha ixtisoslashtirilgan o‘quv seminari bo‘lib o‘tdi

Yevropa tiklanish va taraqqiyot bankining (YTTB) Turkmanistondagi vakolatxonasi Markaziy bank bilan hamkorlikda bank mutaxassislari va tadbirkorlar uchun xalqaro savdo vositalari hamda komplayens standartlari bo‘yicha seminar tashkil etdi.

Yevropa tiklanish va taraqqiyot bankining (YTTB) Turkmanistondagi vakolatxonasi va uning Savdoga ko‘maklashish dasturi Turkmaniston Markaziy banki bilan birgalikda “Xalqaro savdoni moliyalashtirish: asoslar, vositalar, komplayens va ilg‘or tajribalar” mavzusida professional o‘quv seminarini o‘tkazdi.

Seminarning asosiy maqsadi bank tizimi mutaxassislari va xususiy tadbirkorlik vakillarining zamonaviy moliya vositalaridan foydalanish masalalari bo‘yicha malakasini oshirishdan iborat bo‘ldi. Trening davomida ishtirokchilar hujjatli akkreditivlar bo‘yicha bilimlarini chuqurlashtirdilar, komplayensning (me’yoriy talablarga muvofiqlik) zamonaviy talablari va xalqaro standartlarini o‘rgandilar, shuningdek, savdoni moliyalashtirishning dunyodagi eng yaxshi tajribalari bilan tanishdilar.

Bundan tashqari, ishtirokchilarga kelajakdagi hamkorlikni rivojlantirish uchun yangi ishbilarmonlik aloqalarini o‘rnatish imkoniyati yaratildi.