ChatGPT uchun yuqori tezlikdagi optik chip

ChatGPT kabi sun’iy intellekt tizimlari yuqori energiya sarfi bilan tanilgan. Ushbu muammoni hal qilish maqsadida Optika, Fotonika va Lazerlar Markazi (COPL) tomonidan yangi optik chip ishlab chiqildi. Ushbu chip katta hajmdagi ma’lumotlarni yuqori tezlikda uzatishga qodir bo‘lib, shu bilan birga sezilarli darajada energiya tejamkorligini ta’minlaydi.

Nature Photonics jurnalida chop etilgan ushbu yutuq yorug‘lik kuchidan foydalanib ma’lumot uzatishga asoslangan. An’anaviy tizimlardan farqli o‘laroq, yangi chip nafaqat yorug‘lik intensivligini, balki yorug‘lik nurlarining faza siljishini ham qo‘llaydi. Bu esa signalga yangi o‘lcham qo‘shib, ma’lumot uzatish tezligini sekundiga 56 gigabitdan 1 terabitgacha, ya’ni 18 barobar oshirishga imkon berdi.

Yangi chip ayni paytda katta maydonlarni egallaydigan va ko‘p energiya iste’mol qiladigan sun’iy intellekt ma’lumot markazlari uchun tub o‘zgarishlar va’da qilmoqda.