Ilon Mask Grokipedia — Vikipediyaga muqobil loyiha haqida e’lon qildi

Maskning so‘zlariga ko‘ra, bu loyiha senzura va cheklovlarsiz Vikipediyaga muqobil bo‘ladi.

Loyihani Maskning xAI kompaniyasi ishlab chiqmoqda. Xizmatning asosida sun’iy intellektga asoslangan Grok chatbot modeli bo‘ladi.

Maskning ta’kidlashicha, Grok murakkab mantiqiy algoritmlar orqali qaysi ma’lumotlar to‘liq rost, qaysilari qisman rost yoki yolg‘on ekanligini aniqlay oladi.

Ilon Mask Vikipediyani bir necha bor xolis emaslikda ayblab, uni targ‘ibot vositasi va “chap qanot ommaviy axborot vositalarining qo‘shimchasi” deb atagan.