Kapitali 200 milliard dollardan oshdi

«PepsiCo» kompaniyasi 2025 yilning to‘rtinchi choragida daromadini 5,6%, sof foydasini esa 1,7 baravar oshirdi. Hisobot davrida kompaniya 29,34 milliard dollar daromad va 2,54 milliard dollar sof foyda oldi. Shimoliy Amerikada oziq-ovqat bo‘limi daromadi 1,5%, ichimliklar bo‘limi esa 4% o‘sdi. Lotin Amerikada daromad 11%, Osiyoda esa 5% oshdi. Kompaniyaning kapitali uch oyda 8,6% ko‘tarilib, 212,2 milliard dollarga yetdi.