NASA Venyusga yuboriladigan aqlli apparatlarni tayyorlamoqda

AQSh Milliy Aeronavtika va Kosmik Tadqiqot Boshqarmasi (NASA) Venyusni batafsil o‘rganish uchun sun’iy intellekt texnologiyalariga ega kosmik apparatlarni ishga solishni rejalashtirmoqda. Bu haqda NASA rahbari Jared Ayzekman ma’lum qildi.

Venyusga ikki asosiy missiya rejalashtirilgan:

• DAVINCI — atmosferaning tarkibi va uning shakllanish tarixini o‘rganish.
• VERITAS — sayyoraning yuzasini yuqori aniqlik bilan xaritalash va Venyus evolyutsiyasi Yerdan nimasi bilan farqlanishini aniqlash.

Ayzekman: «Robot missiyalarida ko‘proq avtonomiyani joriy qilmoqchimiz. Venyus missiyalarida AI imkoniyatlari bo‘lishi mumkin».