O‘ziga xos soat bilaguzuk

Parijlik «Smartlet» startapi g‘ayrioddiy modul shaklidagi soat bilaguzukni taqdim etdi. Bu texnologiya mexanik soat va aqlli soatni (smartwatch) birlashtirib, ularni bir bilakda kiyish imkonini beradi. Fransuz ishlab chiqaruvchilari ushbu dizaynni klassik soatlarni sevuvchi, lekin aqlli soatning imkoniyatlaridan (bildirishnomalar, sog‘liq monitoringi) voz kechishni istamaydigan foydalanuvchilar uchun ideal yechim sifatida taklif qilmoqda.

Ushbu innovatsion mahsulot dunyoning eng yirik texnologiya tadbirlaridan biri — Las-Vegasdagi CES 2026 ko‘rgazmasida namoyish etildi. Po‘latdan tayyorlangan bilaguzuk arzon narxda taklif qilinadi. Texnologiya Apple Watch, Samsung Galaxy Watch, Google Pixel Watch va Garmin kabi zamonaviy qurilmalarga mos keladi. «Smartlet» bilaguzugi Omega, Tudor, TAG Heuer va Rolex kabi premium soat modellari bilan moslashtirilgan bo‘lib, kamar kengligi 18 dan 24 mm gacha.