Poco X8 Pro "Temir odam" (Iron Man) uslubidagi maxsus nashrga ega bo‘ladi

Rasmiy taqdimotdan bir necha kun oldin Poco X8 Pro Iron Man Edition suratari internetda tarqaldi. Smartfon tillarang elementlar bilan bezatilgan kulrang korpusga ega bo‘lib, markazda parvoz qilayotgan Temir odam tasviri tushirilgan. Texnik jihatdan u oddiy Poco X8 Pro bilan bir xil: Dimensity 8500 Ultra protsessori, 144 Gs chastotali 1,5K AMOLED ekran va 100 Vt tezkor quvvatlanuvchi 7560 mA/soat sig‘imli akkumulyator.