Qozog‘istonda poezdlar va samolyotlarda internet yo‘lga qo‘yiladi

2026 yilda «Қазақстан темір жолы» kompaniyasining yo‘lovchi poezdlari va «Air Astana» aviakompaniyasi samolyotlarida sun’iy yo‘ldosh (sputnik) interneti joriy etiladi. Bu haqda hukumat yig‘ilishida Bosh vazir o‘rinbosari, Sun’iy intellekt va raqamli rivojlanish vaziri Jaslan Madiev ma’lum qildi.

Hozirda mamlakatda uchta sun’iy yo‘ldosh internet operatori faoliyat yuritmoqda, yaqin kelajakda yana ikki xorijiy kompaniya bozorga kiradi. Texnologiyaning pilot sinovlari 2026 yilda o‘tkaziladi.

Mahalliy hokimliklar turistlar va qiyin yetib boriladigan hududlarni mahalliy byudjet hisobiga sun’iy yo‘ldosh interneti bilan ta’minlaydi. Shuningdek, mamlakatda avtomobil yo‘llarini mobil aloqa bilan ta’minlash loyihasi amalga oshirilmoqda, yaqin ikki yil ichida 40 ming kilometr yo‘l tarmoqqa ulangan bo‘ladi.

Vazirning ta’kidlashicha, 5G tarmog‘i rivojlanmoqda va hozirda 20 shaharni qamrab olgan, kelajakda bu shaharlarning 75 foizi qamrab olinadi. Qishloq joylarida raqamli infratuzilmani rivojlantirish maqsadida 6 mingdan ortiq aholi punktlari yuqori tezlikli optik internet bilan ta’minlanadi. «Oxirgi kilometr» loyihasi doirasida 400 ming xo‘jalik optik tarmoqqa ulangan bo‘ladi va qo‘shimcha 2,5 million odam internet bilan ta’minlanadi.