Sun’iy intellekt miya kabi o‘rganilmoqda: “qora qutilar”ni tushunishda yangi bosqich

Sun’iy intellektning (SI) tibbiyotdan tortib ijtimoiy sohalargacha tez tarqalishi, uning qaror qabul qilish mexanizmlari qanchalik tushunarsiz ekaniga doir savollarni kuchaytirmoqda. Mutaxassislar ham SI tizimlarining ichki jarayonlari ko‘pincha “qora quti” bo‘lib qolayotganini tan olishmoqda.

Bu muammoni hal qilish uchun olimlar biologiya va neyrofanlardan ilhomlangan yangi yondashuvlarni ishlab chiqmoqda. Mexanistik talqin usuli SI modelining vazifa bajarish paytidagi ichki jarayonlarini kuzatishga imkon beradi. Anthropic tomonidan yaratilgan vositalar miya faoliyatini MRT orqali o‘rganishga qiyoslanadi.

Yana bir yondashuv biologiyadagi organoid tajribalariga o‘xshab, sparse autoencoder kabi soddaroq neyron tarmoqlarni yaratishni nazarda tutadi.

Shuningdek, fikrlash zanjirini monitoring qilish usuli orqali SI qarorlarining mantiqi tahlil qilinadi. OpenAI tadqiqotchisi Bowen Baker bu usul istalmagan xatti-harakatlarni aniqlashda samarali ekanini ta’kidlaydi.

Olimlar kelajakda SI tizimlari haddan tashqari murakkablashib ketishidan xavotirda.