Sun’iy intellekt to‘g‘risidagi qonun

Koreya Respublikasi dunyoda sun’iy intellektning (SI) xavfsiz foydalanilishini tartibga soluvchi keng qamrovli qonunni qabul qilgan birinchi davlat bo‘ldi. Qonun SI rivojlanishi va unga bo‘lgan ishonchni mustahkamlashga qaratilgan. Bu alohida normativ hujjatlar to‘plami emas, balki dunyodagi birinchi meta-darajadagi qonundur.

Hujjat generativ SI modellari mahsulotlariga huquqiy chegaralar va talablar, shuningdek, qonunbuzarliklar uchun jarimalarni belgilaydi. Xususan, generativ modellardan yaratilgan kontent suv belgisi (watermark) bilan belgilanishi kerak. Kompaniyalar xizmatlarining SI asosida ekanini foydalanuvchilarga bildirish va ularning xavfsizligini ta’minlashga majburdirlar.

«Yonhap» agentligining ma’lum qilishicha, SI yordamida yaratilgan deepfake va yolg‘on xabarlarni tarqatish mas’uliyati yuridik shaxslarga va ishlab chiquvchilarga yuklanadi. Shu bilan birga, hokimiyatlar qonunbuzarliklarni tergov qilish huquqiga ega bo‘ladi.

Qonunga ko‘ra, texnologiya kompaniyalari mamlakatda har kuni 1 milliondan ortiq odam xizmatlaridan foydalansa yoki daromadi 10 milliard von (6,8 million AQSh dollari) dan oshsa, Koreya Respublikasida bo‘lim ochishga majburdir. Bundan tashqari, agar kompaniya xizmatlarini Koreyada taqdim etsa va uning global yillik daromadi 1 trillion von (681 million AQSh dollari) bo‘lsa, ushbu talab unga ham tegishli bo‘ladi. Ushbu mezonlarga «OpenAI» va «Google» kompaniyalari mos keladi. Hokimiyatlar o‘tish davri uchun bir yillik muddat berishni rejalashtirmoqda.