Tabiat muhofazasida

Shagul Hemrayeva, «Ko‘ytendog‘» davlat tabiat qo‘riqxonasi kichik ilmiy xodimi: Qo‘riqxonamizda tog‘ ekotizimini asrash va yovvoyi hayvonlar bo‘yicha ilmiy ma’lumotlarni to‘plash ishlari muvaffaqiyatli olib borilmoqda. Qo‘riqxonada kam uchraydigan boshqa jonzotlar bilan birga qoraquloq (gechigaplan) va dasht mushugi ham uchraydi. Ilmiy ma’lumotlarda ilgari bu yerda qoplon ham yashagani qayd etilgan, biroq so‘nggi yillardagi kuzatuvlarda qoplon uchratilmadi.

Qoraquloq o‘rtacha kattalikda bo‘lib, tana uzunligi 80–107 santimetrga yetadi va hozirgi vaqtda mamlakatimizda faqat Ko‘ytendog‘ hududida uchraydi. Ushbu tur Turkmanistonning Qizil kitobiga, shuningdek, Tabiatni muhofaza qilish xalqaro ittifoqi va CITES konvensiyasi ro‘yxatlariga kiritilgan.

Ta’kidlash joizki, qo‘riqxonamizda olib borilayotgan ilmiy-kuzatuv ishlarida innovatsion texnologiyalardan keng foydalanilmoqda. 2013-yil 6-noyabrda qoraquloq ilk bor videotasvirga olindi, shuningdek, uning Tamchi va Uzunaral buloqlari yaqinida mavjudligi aniqlandi. Biz yovvoyi hayvonlarning kam uchraydigan turlari tarqalgan joylarini va sonini aniqlash bo‘yicha rejali ilmiy tadqiqotlarni davom ettiryapmiz.