Turkmanboshi xalqaro dengiz portida 2025-yilda yuk aylanmasi 7,4 million tonnaga yaqinlashdi

Turkmanboshi xalqaro dengiz portida 2025-yilning yanvar-dekabr oylari davomida jami yuk aylanmasi 7 316 326 tonnani tashkil etdi. Ushbu ko‘rsatkichda eksport yuklarining ulushi 4 465 956 tonna; import yuklari 1 522 793 tonna; tranzit yuklarining ulushi esa 1 327 576 tonnaga teng bo‘ldi.

2024-yilning tegishli davri bilan solishtirilganda, umumiy yuk aylanmasida 15,2 foizlik o‘sish sur’atiga erishilgani Turkmaniston logistika strategiyasining muvaffaqiyatli amalga oshirilayotganidan dalolat beradi. Bu haqda “Türkmenistan” gazetasida xabar berildi.

“Dengiz savdo floti” yopiq turdagi aksiyadorlik jamiyati tasarrufidagi 20 ta zamonaviy kema Kaspiy dengizining eng faol kemalari qatoridan joy oldi. 2025-yil yanvar-dekabr oylari yakunlariga ko‘ra, ushbu kemalar orqali 2 454 106 tonna yuk, 20 267 ta avtomobil va 3 207 ta konteyner belgilangan manzillarga yetkazildi.

Shuningdek, milliy flot 170 162 nafar yo‘lovchiga yuqori sifatli xizmat ko‘rsatib, ichki va xalqaro qatnovlarning ishonchliligini oshirgani xabarda ta’kidlangan.