Turkmaniston telekommunikatsiya va sun’iy yo‘ldosh aloqasi sohasida Starlink bilan hamkorlikni rivojlantirishni rejalashtirmoqda

Turkmaniston va AQShning SpaceX kompaniyasiga qarashli Starlink loyihasi raqamli texnologiyalar, telekommunikatsiya tizimlari hamda zamonaviy sun’iy yo‘ldosh aloqa yechimlarini joriy etish sohasidagi kelajakdagi hamkorlik imkoniyatlarini muhokama qildilar.

Mazkur masala 2026-yil 4–5-fevral kunlari Bishkek shahrida bo‘lib o‘tgan ikkinchi “B5+1” biznes forum doirasida Turkmaniston moliya va iqtisodiyot vaziri M. Astanagulovning SpaceX kompaniyasining Starlink loyihasi bo‘yicha global litsenziyalash va bozorlarni rivojlantirish direktori Rebekka Xanter bilan o‘tkazgan ikki tomonlama uchrashuvida ko‘rib chiqildi. Bu haqda Turkmaniston Tashqi ishlar vazirligi xabar berdi.

Tomonlar uzoq muddatli va o‘zaro manfaatli hamkorlikni yanada rivojlantirishga qiziqish bildirdilar.

Starlink — SpaceX kompaniyasi tomonidan dunyoning istalgan nuqtasida yuqori tezlikdagi internetni ta’minlash maqsadida ishlab chiqilayotgan global sun’iy yo‘ldosh aloqa tizimidir. Loyiha amerikalik tadbirkor Ilon Maskka tegishli bo‘lib, sun’iy yo‘ldoshlar SpaceX raketalari yordamida uchiriladi.