Turkmanistonda 5 ta kema qurish rejalashtirilmoqda

“Balkan” kema qurish va ta’mirlash zavodida yaqin vaqt ichida 2 ta Ro-Ro turidagi parom va 3 ta quruq yuk kemasini qurish rejalashtirilmoqda. Bu haqda juma kuni Turkmaniston Dengiz va daryo transporti davlat xizmati xabar berdi.

Hozirda “Balkan” zavodida 2 ta quruq yuk kemasi va 1 ta dengiz tubini chuqurlashtiruvchi kemaning qurilishi davom etmoqda.

Xabarda ta’kidlanishicha, zavod ishga tushirilganidan buyon turli maqsadlarda foydalaniladigan kemalarda ta’mirlash ishlari olib borilib, buyurtmalar o‘z vaqtida va yuqori sifatda bajarilmoqda.

“Balkan” kema qurish va ta’mirlash zavodi yiliga 10 000 tonna po‘latni qayta ishlash va 4–6 ta yangi kema qurish, shuningdek yiliga 2 000 tonna po‘latni qayta ishlab, 20–30 ta kemani ta’mirlash imkoniyatiga ega.