Turkmanistonda «Sanly çözgüt – 2026» innovatsion loyihalar tanlovi e’lon qilinadi

Turkmaniston Vazirlar Mahkamasining majlisida vise-premyer B.Annayev mamlakatda «Sanly çözgüt – 2026» (Raqamli yechim – 2026) innovatsion loyihalar tanlovi o‘tkazilishi haqida hisobot berdi. Loyihadan maqsad dasturiy ta’minot va innovatsion ixtirolar bilan shug‘ullanadigan yosh iste’dodlarni kashf etishdir. Bu yilgi tanlov sun’iy intellekt, robototexnika, avtomatlashtirish, raqamli tibbiyot, smart-siti hamda aqlli qishloq xo‘jaligi texnologiyalari kabi yo‘nalishlarni qamrab oladi. Tanlov yakunlari «Türkmentel – 2026» xalqaro ko‘rgazmasi va ilmiy konferensiyasi doirasida sarhisob qilinadi. «Amul Info» tahliliga ko‘ra, eng yaxshi loyihalar milliy iqtisodiyot tarmoqlariga tatbiq etiladi. Turkmaniston Prezidenti ushbu tashabbusni ma’qulladi.