Turkmanistonlik olima “Galkanish” koni oltingugurtidan bo‘yoq olish texnologiyasini ishlab chiqdi

Yagshigeldi Kakayev nomidagi Xalqaro neft va gaz universiteti talabasi Maral Gulliyeva tabiiy oltingugurtdan bo‘yoqlar olish texnologiyasini ishlab chiqdi. Asosiy xomashyo sifatida “Galkanish” gaz konidan olingan oltingugurt ishlatildi.

Kimyoviy texnologiya va ekologiya fakultetida olib borilgan tadqiqot ishlari Turkmaniston Moliya va iqtisodiyot vazirligi huzuridagi Intellektual mulk bo‘yicha davlat xizmatida ro‘yxatga olindi. Bu haqda juma kuni Turkmaniston rasmiy matbuoti xabar berdi.

Jarayon oltingugurt kislotasini olish, uning alyuminiy bilan reaksiyaga kirishib alyuminiy sulfatini hosil qilishi, shuningdek, chidamli bo‘yoq va yelim birikmalarini sintez qilish uchun gips, ohak va boshqa komponentlarni qo‘shishdan iborat. Sinovlar bu birikmalarning antiseptik xususiyatga egaligini va atrof-muhit uchun xavfsiz ekanligini ko‘rsatdi.

Ushbu ishlanma Turkmaniston kimyo va neft-gaz tarmoqlari uchun yangi imkoniyatlar ochadi. Ishlab chiqarish iqtisodiy jihatdan foydali bo‘lib, murakkab uskunalarni talab qilmaydi va qurilish hamda to‘qimachilik sanoatida import o‘rnini bosishga xizmat qiladi.