“Türkmengazüpjünçilik” birlashmasi: Iste’mol qilinadigan tabiiy gaz uchun elektron hisob-kitob tizimini yo‘lga qo‘yish

Mamlakatimizda iste’mol qilinadigan tabiiy gaz uchun elektron hisob-kitob tizimini yo‘lga qo‘yish maqsadida, “Türkmengazüpjünçilik” birlashmasi tomonidan raqamli tizim bo‘yicha tegishli ishlar olib borilmoqda.

Hozirgi vaqtda “Türkmengazüpjünçilik” birlashmasining markaziy ma’muriy binosida “Ynamly Belentlik” xo‘jalik jamiyati tomonidan “Hasabat merkezi” (Hisobot markazi) server tizimi yaratilib, “Aşgabatgaz” va viloyat gaz ta’minoti boshqarmalari markazlarida internet tarmog‘iga ulandi.

Yurtimiz hududida tabiiy gaz iste’mol qiluvchi mijozlar uchun raqamli tizim orqali — veb-sahifa, terminallar hamda smartfonlar uchun mo‘ljallangan “Milli paý” to‘lov dasturi yordamida iste’mol qilingan tabiiy gaz to‘lovlarini amalga oshirish yo‘lga qo‘yildi.