Xiaomi 17T va 17T Pro: Insayder Yabhishekhd yangi subflagmanlarning bahorgi debyutini ma'lum qildi

Mobil bozor navbatdagi katta taqdimotga tayyorlanmoqda. «Amul Info» sharhlovchisi Ahmet Atayev insayder Abhishek Yadav (Yabhishekhd) va Xiaomi manbalariga tayanib xabar berishicha, Xiaomi 17T va 17T Pro 2026-yil aprel yoki may oylarida sotuvga chiqishi kutilmoqda. Bu T-seriyasi uchun odatdagidan ancha ertaroq muddatdir.

Xiaomi 17T modeli Dimensity 8500 chipi va 6500 mAs batareya bilan jihozlanishi aytilmoqda. Pro talqini esa Redmi K90 Ultra’ning global versiyasi bo‘lib, u Dimensity 9500 protsessori, 8500 mAs batareya va 100 Vt tezkor quvvatlanish tizimini oladi. Har ikki model 50+12+50 MP o‘lchamli Leica kameralari bilan ta’minlanadi.

Manba: Yabhishekhd, Xiaomi