Yangi mahsulotlar — bayram dasturxonining bezagi

Lebap viloyatidagi “Miwe” qishloq xo‘jaligi sanoat birlashmasi Yangi yil kunlarida aholiga bayram dasturxoni uchun yangi sabzavot va meva mahsulotlarini taklif etdi. Yoz va kuz oylarida yig‘ib olingan mevalarning qariyb 40 turi, sabzavot va poliz mahsulotlarining esa 30 ga yaqin turi hozirgacha sovitkich omborlarida saqlab kelinmoqda.

2012 yilda foydalanishga topshirilgan ushbu zamonaviy sovitkich ombori ming tonnagacha mahsulotni saqlash va ularni bozorlarga yangi holatda yetkazib berish imkonini yaratadi. Buning uchun omborning o‘n ta kamerasi zarur sharoitlar bilan jihozlangan. Har bir mahsulot belgilangan haroratda saqlanib, mevalarning shirinligi va ta’mi yanada oshadi. Sabzavot va poliz mahsulotlari esa alohida kameralarda mutaxassislar nazorati ostida saqlanadi.

Sovitkich omborlari Turkmanobod shahridagi meva-sabzavot qadoqlash korxonasiga yaqin joyda qurilib, bu ikki tomon uchun ham foydali bo‘ldi. Hozirda korxonaning qadoqlangan mahsulotlarining katta qismi aynan shu omborlarda joylashtirilmoqda. Shuningdek, yaqin tumanlardagi qadoqlash korxonalari ham o‘z mahsulotlarining bir qismini ushbu sovitkich omborlari majmuasida saqlamoqda.

Viloyatdagi bir qator bog‘bonlar bilan shartnomalar tuzilib, meva mahsulotlari xarid qilinib sovitkichlarda saqlanadi. Shu sababli bugungi kunda bozorlarda serhosil tuproqlarimizda yetishtirilgan turli xil meva va sabzavotlar barchaning e’tiborini tortmoqda.

To‘liq pishib, shirinlikka to‘lgan mevalar bayram dasturxonlarini bezaydi. Ularning ta’mi va hidi o‘ziga xosdir. Turli hajmdagi shisha idishlardagi sharbatlar, murabbo va quyuq mahsulotlar ham talab yuqori bo‘lgan mahsulotlarga aylandi. Mahalliy tadbirkorlar ham ular bilan raqobatlashib, mahsulotlarini chiroyli qadoqlarda taqdim etmoqda.

Xorijiy mamlakatlarning ilg‘or texnologiyalarini joriy etib, o‘z ishlab chiqarishini yo‘lga qo‘yayotgan tadbirkorlar soni viloyatda tobora ortib bormoqda. Bu safar ular turli ichimliklar bilan birga asal, qovun qoqi, shuningdek banan, limon va apelsinlarni ham taklif etdilar.