Baýrak gaznasy million dollar: Dubaýda fotograflaryň halkara bäsleşigi başlandy

Dubaýyň şazadasy Hamdan bin Raşid bin Mohammed al-Maktumyň surata düşürmek boýunça halkara baýragy ugrundaky bäsleşik — «HIPA» başlandy. Ol şu ugurda iň uly bäsleşik hasaplanýar. Umumy baýrak gaznasy million dollar bolan halkara bäsleşik dünýäniň iň ökde fotograflaryny birleşdirýär. 2011-nji ýylda döredilen baýrak her ýyl guralýar.

Şu möwsümde onuň baş temasy «Family», ýagny maşgala bolar. Guramaçylar maşgala gymmatlyklaryna has uly ähmiýet bermegi teklip edýärler: aragatnaşygyň simwoly, mirasdarlar, birlik we beýlekiler.

Mundan başga-da, bäsleşigiň çäginde «Dreams Trough AI», «Sports Photography», «Portfolio (Story-telling)» «General» ugurlary boýunça ýeňijiler kesgitlener. Şeýlelikde, ýaryşyň baş baýragyna eýe bolan fotografyň sylagy 2 ýüz müň dollara barabar bolar.

Gatnaşmak isleýän taraplar 31-nji maýa çenli tölegsiz esasda ýüz tutup bilerler.

Doly maglumat üçin: https//hipa.ae/award/family-hipa-award-2026