«Belawia» awiakompaniýasy goşmaça goş daşamak nyrhlaryna üýtgetmeler girizdi
Belarus Respublikasynyň «Belawia» milli awiakompaniýasy 2026-njy ýylyň 1-nji iýunyndan başlap, ýolagçylar üçin goşmaça goş orunlaryny resmileşdirmegiň täze nyrhlaryny we düzgünlerini güýje girizdi. Bu barada awiakompaniýanyň metbugat gullugynyň ýaýradan resmi habarynda bellenilýär.
Täze düzgünler bellenilen kadadan we agramdan has köp goş daşamaly bolan ýolagçylara amatly şertleri döretmek maksady bilen kämilleşdirildi.
Ýolagçylar goşmaça goş ornuny aşakdaky ugurlar arkaly öňünden satyn alyp bilerler:
- Awiakompaniýanyň resmi saýtynda — uçar petegini satyn alýan wagtyňyz;
- Petek satyn alnandan soň — saýtyň «Bronirlemegiň statusy» (Статус бронирования) bölüminde;
- Awiakompaniýanyň ýöriteleşdirilen söwda ofislerinde hem-de resmi agentliklerinde.
Möhüm belgi: Eger-de siz bu hyzmaty awiakompaniýanyň internet saýty arkaly onlaýn resmileşdirmek we hasaplaşyk geçirmek islesiňiz, onda degişli arzany uçuşyň bellenen wagtyna iň az 2 sagat galýança tabşyrmaly we tassyklamaly bolup durýarsyňyz.
Hyzmatyň gutarnykly bahasy saýlanan ugra, satyn alynýan wagtyna we resmileşdiriş usulyna (onlaýn ýa-da kassada) baglylykda üýtgeýär.
Ýatladyp geçsek, häzirki wagtda «Belawia» awiakompaniýasy Belarus bilen Türkmenistanyň arasynda ýolagçy gatnawyny işjeň üpjün edýär. Awiakompaniýa hepdede iki gezek — çarşenbe we ýekşenbe günleri Minsk — Türkmenbaşy — Minsk ugry boýunça yzygiderli howa gatnawlaryny amala aşyrmaga dowam edýär.
