Daşky gurşawy goramakda täze ädim: Türkmenistanda 2030-njy ýyla çenli Milli tokaý maksatnamasy tassyklandy
Berkarar döwletiň täze eýýamynyň Galkynyşy döwründe ýurdumyzda ekologiýa durnuklylygyny üpjün etmek we daşky gurşawy goramak boýunça döwlet syýasatynyň hukuk esaslaryny has-da pugtalandyrmak maksady bilen degişli Karara gol çekildi. Türkmenistanyň Prezidentiniň gol çeken täze resminamasyna laýyklykda, «Türkmenistanyň 2026 — 2030-njy ýyllar üçin Milli tokaý maksatnamasy» hem-de ony amala aşyrmak boýunça ýerine ýetirilmeli çäreleriň meýilnamasy tassyklanyldy.
Bu maksatnama howanyň üýtgemeginiň ýaramaz täsirlerini azaltmak babatda işleriň esasy ugurlaryny kesgitlemäge, tebigi ekoulgamlaryň we tokaý hojalygynyň durnuklylygyny ýokarlandyrmaga gönükdirilendir. Şeýle hem täze resminama öňden hereket edýän «Howanyň üýtgemegi barada Türkmenistanyň Milli strategiýasyny» ýurdumyzda üstünlikli durmuşa geçirmegiň çärelerini bellenen meýilnama esasynda utgaşdyrmaga sezewar eder.
Milli tokaý maksatnamasynyň kabul edilmegi ýurdumyzyň tokaý zolaklaryny giňeltmek, ekologiýa medeniýetini ösdürmek we geljekki nesiller üçin sagdyn daşky gurşawy kemala getirmek ugrunda döwlet derejesinde edilýän tagallalaryň nobatdaky aýdyň subutnamasydyr.
