MMA (garyşyk söweş sungatlary) boýunça tanymal türkmen pälwany Döwletjan Ýagşymyradow nobatdaky jogapkärli duşuşygyny geçirýär.

«PFL» guramasynyň ýarym agyr agram derejesindäki dünýä reýtinginde ikinji orny eýeleýän ildeşimiziň garşydaşy şol reýtingiň bäşinji basgançagynda barýan iňlis söweşijisi Simeon Pauell bolar. Pälwanlar ABŞ-nyň Nýu-Ýork ştatynyň Long-Aýlend sebitindäki «UBS Arena» sport toplumynda güýç synanyşarlar.

Türkmen sportsmeni özüniň resmi TikTok sahypasynda ýaryşyň senesinde üýtgeşme bolandygyny habar berip, bäşinji etabyň çägindäki bu örän wajyp duşuşygyň awgust aýynyň 7-ne geçiriljekdigini mälim etdi.