Geçen ýylyň netijeleri boýunça bu derejä Amerikanyň Birleşen Ştatlarynyň San-Fransisko şäherindäki Halkara howa menzili eýe boldy. Howa menzili özüniň binagärçilik bezegleri, ekologik aýratynlyklary, arassaçylygy boýunça eýýäm iki ýyldan bäri bu derejesini saklap gelýär. Aýratyn hem bu ýerde ýolagçylar üçin döredilen oňaýly şertler ýokary baha mynasyp bolýar. Amerikanyň Birleşen Ştatlarynyň iň köp ýolagçly bu howa menzilinden Aziýa, Ýewropa we Awstraliýa ýurtlary boýunça yzygiderli halkara howa gatnawlarynyň amala aşyrylýandygyny bellemek gerek. Dünýäniň iň gowy howa menzilleriniň sanawyny degişlilikde Hytaýyň, Fransiýanyň we Ýaponiýanyň halkara howa menzilleri dowam etdi.