2026-njy ýylyň 20-nji noýabrynda Aşgabat şäherinde italiýaly jaz aýdymçysy we ýerine ýetirijisi Simona De Rozanyň konserti geçiriler. Sungat çäresi Ýewropa medeniýetiniň günleriniň çäklerinde guralar.

Ýewropa Bileleşiginiň Türkmenistandaky wekilhanasy Türkmenistanyň Medeniýet ministrligi bilen bilelikde noýabr aýynda ýurdumyzda Ýewropa medeniýetiniň günlerini geçirmegi meýilleşdirýär. Bu medeni maksatnamanyň esasy wakalarynyň biri hökmünde Simona De Rozanyň çykyşy tomaşaçylara hödürlener.

Konsert 20-nji noýabrda sagat 19:00-da Magtymguly adyndaky Milli sazly-drama teatrynda geçiriler.

Guramaçylar paýtagtyň ýaşaýjylaryny we myhmanlaryny bu aýdym-saz çäresine gatnaşmaga hem-de Ýewropa medeniýetiniň baý öwüşginleri bilen tanyşmaga çagyrýarlar.