Näme üçin kofeniň ýanynda suw içilýär?
Dünýäde myhmansöýerligiň we işewürligiň nyşany hökmünde bir käse (çaşka) kofe hödür edilýär. Adamlar kofeniň başynda hal-ahwal soraşyp, iş we geljekki meýilnamalar barada pikir alyşýarlar. Häzirki wagtda dünýäde kofeniň arabika, robusta, liberika ýaly 120-den gowrak görnüşi bar. Taýýarlanyş usulyna görä bolsa onuň ecspresso, amerikano, latte, kapuçino, moki, türk kofesi we süzülen kofesi ýaly görnüşleri giňden ýaýrandyr.
Adatça, köp ýerde kofeniň ýany bilen bir bulgur suw hem getirilýär. Kofeniň ýanynda suw getirilmeginiň diňe bir däp-dessur bilen bagly däp, eýsem, saglyk we tagam taýdan örän möhüm sebäpleri bar.
Tagamy duýmaga we bokurdagy arassalamaga köp edýär
Kofeden öň ýa-da göni ondan soň suw içilmegi bu içginiň güýçli ajylygyny aýyrmaga we onuň özboluşly hoşboý ysyndan doly lezzet almaga mümkinçilik berýär. Suw agyz boşlugyny we bokurdagy öňki iýen zatlaryň tagamyndan arassalaýar, netijede adam kofeniň hakyky tagamyny has aýdyň duýýar. Şeýle hem kofeniň düzümindäki kofein agyz gurlygyny döredip bilýändigi üçin, suw içmek bu ýagdaýy deňleşdirmäge we ýaramaz tagamy ýok etmäge ýardam edýär.
