Saudi Arabystanynyň Pro-ligasynyň täze patyşasy bar, onuň ady Kriştianu Ronaldu. Çekeleşikli geçen soňky tapgyrda «Al-Nasr» topary «Damagy» 4:1 hasabynda utup, 2025/26 möwsüminiň çempiony boldy. Žorže Žezuşyň şägirtleri bütin möwsüm boýunça çempionlyk häsiýetini görkezip, 86 utuk topladylar we iň ýakyn bäsdeşi «Al-Hilaldan» iki utuk öňe geçmegi başardylar. Sadio Mane we Kingsli Komanyň gollary möhüm boldy, ýöne Ronaldunyň dubly bu çempionlygyň hakyky bezegi boldy. Bu CR7-niň Saudi Arabystanyndaky ilkinji içerki ligasyndaky çempionlygydyr. Indi onuň karýerasynda 973 gol bar we 1000 golly sepgide ýetmek maksady has-da golaýlaşdy.