SanDisk SSD tizligini täze derejä çykardy

Western Digital kompaniýasy, SanDisk markasy bilen tanalýan, ýokary öndürijilikli WD_BLACK SN8100 NVMe SSD ýat saklaýjysyny hödürledi. Bu enjam häzirki zaman PCIe Gen 5.0 interfeýsini ulanyp, iň talap edýän ulanyjylar — oýunçylar, mazmun döredijiler we emeli aň esasly programmalar bilen işleýän hünärmenler üçin niýetlenendir. Olar üçin ulgamyñ ýokary tizligi we çalt jogap bermegi örän möhüm bolup durýar.

Täze SSD 14 900 MB/s çenli okamak tizligini görkezmäge ukyplydyr we 8 TB-a çenli dürli kuwwatly görnüşlerde elýeterli bolar. WD_BLACK SN8100 enjamynyň esasy artykmaçlyklarynyň biri onuň energiýa tygşytlaýjylygydyr: öndürijiniň maglumatyna görä, ol PCIe Gen 4.0 esasly ýokary öndürijilikli SanDisk SSD-leri bilen deňeşdirilende 100% has tygşytlydyr. Bu bolsa energiýa sarp edilişiniň (ortaça 7 Wt-dan köp däl) optimizasiýasy we öňdebaryjy SanDisk BiCS8 TLC 3D CBA NAND tehnologiýasynyň ulanylmagy bilen mümkin boldy.