Taýwan “emeli aň adasyna” öwrülmegi maksat edinýär

Taýwan emeli aň ulgamlaryny ösdürmekde öňdebaryjy ýurtlaryň biri bolmaga çalyşýar. Ýurduň hökümeti döwlet we hususy pudaklaryň hasaplaýyş mümkinçiliklerini birleşdirip, 2029-njy ýyla çenli jemi 1 200 petaflops hasaplaýyş kuwwatyna ýetmegi maksat edinýär. Bu meýilnama Taýwany “emeli aň adasyna” öwürmäge gönükdirilen strategiýanyň bir bölegi bolup durýar diýip, “Taipei Times” belleýär.

Soňky maglumatlara görä, häzirki wagtda Taýwanyň döwlet sektoryndaky superkompýuterleriniň kuwwaty takmynan 19 petaflops bolup, hususy sektoryň goşulmagy bilen bu görkezijiniň 103 petaflopsa ýetendigi aýdylýar. 2023-nji ýylyň soňky çäklendirmelerine görä, Taýwan bu görkeziji boýunça dünýäde 11-nji orny eýeledi. Ilkinji onlukda bolsa ABŞ, Ýaponiýa, Italiýa, Şweýsariýa, Germaniýa, Finlýandiýa, Hytaý, Fransiýa, Ispaniýa we Koreýa Respublikasy ýaly ýurtlar bar.

2025-nji ýylyň başynda Milli ylym we tehnologiýa geňeşi (NSTC) döwlet superkompýuterleriniň kuwwatyny 2029-njy ýyla çenli 480 petaflopsa çenli ýokarlandyrmak meýilnamasyny yglan edipdi. Ýöne hususy sektoryň işjeň gatnaşmagy netijesinde bu görkezijiniň 1 200 petaflopsa ýetmegine garaşylýar.

Şeýle hem şu ýylyň maý aýynda Taýwanyň emeli aň bilen işleýän täze nesil superkompýuteri ulanyşa giriziler. Mundan başga-da, ada boýunça emeli aň we uly maglumatlar bilen işleýän iri maglumat merkezleriniň gurulmagy meýilleşdirilýär. 2024-nji ýylyň ahyryna çenli “bulut” tehnologiýasy esasynda maglumatlary gaýtadan işleýän merkez işe giriziler. 2029-njy ýyla çenli bolsa Taýwan şäherinde emeli aň üçin ýörite hasaplaýyş merkezi dörediler.

Bu başlangyçlar bilen Taýwan emeli aň tehnologiýalarynyň ösýän döwründe dünýä derejesindäki möhüm oýunçy bolmagy maksat edinýär.