Türkmenabat halkara howa menzili howpsuzlyk ulgamyny döwrebaplaşdyrmak boýunça halkara bäsleşik yglan edýär
Türkmenistanyň “Türkmenhowaýollary” döwlet gullugynyň Türkmenabat halkara howa menzili wideogözegçilik ulgamynyň işini kämilleşdirmek maksady bilen, dünýä belli “Milestone” programma üpjünçiligini satyn almak boýunça açyk görnüşli halkara bäsleşik yglan etdi.
Halkara standartlara laýyk gelýän howpsuzlyk ulgamyny üpjün etmek üçin “Milestone” wideogözegçilik programma üpjünçiligini we oňa degişli tehniki çözgütleri satyn almak.
Bäsleşige gatnaşmaga isleg bildirýän ýerli we halkara kompaniýalar, telekeçiler hem-de hususy kärhanalar aşakdaky resminamalary hödürlemelidir:
- Kompaniýanyň hukuk derejesi we hasaba alnyşy baradaky resmi resminamalar.
- Menzil tarapyndan yglan edilen ugur boýunça iş tejribesi baradaky maglumatlar.
- Jogapkär wekiliň ynanç haty we pasport göçürmesi.
- Bäsleşige gatnaşmak üçin bellenen tölegiň tölenendigini tassyklaýan resminama.
- Kabul ediş möhleti: Bildiriş çap edilen gününden başlap 30 günüň dowamynda.
- Iş wagty: Sagat 09:00-dan 18:00-a çenli.
- Tabşyrylýan ýeri: Türkmenabat halkara howa menziliniň marketing we şertnamalar bölümi.
Bäsleşik teklipleri möhürlenen ýapyk bukjada hödürlenmeli. Bukjada hökmany suratda maglumatlaryň elektron görnüşi (Word we Excel formatlarynda) bolmaly. Şeýle hem tehniki we ykdysady spesifikasiýalar takyk görkezilmelidir.
Goşmaça maglumat almak we hasap belgilerini anyklamak üçin aşakdaky belgiler we salgy arkaly ýüz tutup bilersiňiz:
- Telefonlar: +993(422) 9-46-78; +993(422) 9-47-03
- E-poçta: turkmenabat.airport.int.dep@gmail.com
- Salgy: Türkmenabat şäheri, Bagtyýarlyk köçesi.
