2026-njy ýylyň ýanwar–sentýabr aýlarynda Türkmenistandan Russiýa syýahatçylyk maksady bilen baran adamlaryň sany 70,98 müňe ýetdi. Bu görkeziji geçen ýylyň degişli döwri bilen deňeşdirilende 40 göterim artdy. Şeýlelikde, Türkmenistan Russiýa iň köp syýahatçy iberen ýurtlaryň arasynda ikinji orny eýeledi.

Russiýanyň Federal howpsuzlyk gullugynyň Serhet gullugynyň maglumatlaryna görä, bu sanawda birinji orny 812,46 müň syýahat bilen Hytaý eýeledi. Hytaýdan gelen jahankeşdeleriň sany geçen ýyl bilen deňeşdirilende 17,65 göterim ýokarlandy.

Üçünji orunda 59 müň syýahatçy bilen Türkiýe ýerleşdi. Bu ýurtdan gelenleriň sany 17 göterim artdy. Ondan soň Saud Arabystany 41,32 müň syýahatçy (-12,8 göterim), Germaniýa bolsa 36,19 müň syýahatçy (-32,7 göterim) bilen sanawda orun aldy.

Ilkinji onluga Hindistan (29 müň), Eýran (16,42 müň), Gazagystan (16 müň), Belarus (13,67 müň) we Oman (11,41 müň) hem girdi.

Umuman, 2026-njy ýylyň ilkinji dokuz aýynda daşary ýurtly syýahatçylar Russiýa takmynan 1,3 million gezek syýahat etdiler. Bu bolsa geçen ýylyň degişli döwri bilen deňeşdirilende 3,5 göterim köpdür.

Şol bir wagtyň özünde, Birleşen Arap Emirliklerinden Russiýa gelýän syýahatçylaryň sanynyň ep-esli azalandığı bellenilýär. Hasabat döwründe bu görkeziji 70 göterim peselip, 11,4 müňe deň boldy. Geçen ýyl bu ýurt altynjy orunda bolan bolsa, 2026-njy ýylda 11-nji orna düşdi.

Russiýanyň Federal howpsuzlyk gullugynyň Serhet gullugynyň maglumatlaryna görä, 2026-njy ýylyň ýanwar–sentýabr aýlarynda daşary ýurt raýatlarynyň Russiýa ähli maksatlar boýunça girişleriniň umumy sany 11,091 milliona deň boldy. Bu görkeziji geçen ýylyň degişli döwri bilen deňeşdirilende 9,6 göterim azaldy.