Türkmenistanda Gurban baýramynyň namaz wagtlary bellenildi

Türkmenistanda yslamyň iň uly we mukaddes baýramlarynyň biri bolan Gurban baýramy mynasybetli okaljak baýram namazynyň welaýatlar we şäherler boýunça takyk wagtlary mälim edildi. Ýurdumyzyň raýatlary 27-nji maýda ir säher bilen baýram namazyny berjaý etmek üçin metjitlere ýygnanarlar.

Bellenilen meýilnama laýyklykda, baýram namazy paýtagtymyz Aşgabatda, Arkadag şäherinde we Ahal welaýatynda sagat 06:35-de okalar. Mary hem-de Daşoguz welaýatlarynyň dindarlary namaza sagat 06:25-de, Lebap welaýatynda bolsa sagat 06:10-da başlarlar. Ýurdumyzyňgünbatar sebiti bolan Balkan welaýatynyň metjitlerinde bolsa baýram namazy sagat 06:45-de ýerine ýetiriler.

Hormatly Prezidentimiz Serdar Berdimuhamedowyň gol çeken Permanyna laýyklykda, Türkmenistanda Gurban baýramy maý aýynyň 27-sine, 28-ine we 29-yna bellenilip, bu günler iş günü däl diýlip yglan edildi. Resminama laýyklykda, eýeçiliginiň görnüşine garamazdan ähli edara-kärhanalarda we guramalarda baýramçylyk günleriniň ýokary derejede guralmagy üpjün ediler.